Մարդկանց մոտ փոխում են սննդային սովորությունները․ աճում է պատրաստի ուտեստների պահանջարկը

Ռուսաստանում նկատվում է սննդային սովորությունների փոփոխություն․ քաղաքացիները ավելի հաճախ հրաժարվում են ավանդական ընտանեկան ճաշերից և տնային պատրաստված խմորեղենից՝ նախընտրելով պատրաստի ուտեստներ։ Այս մասին հաղորդում է «ՌԻԱ Նովոստի»-ն՝ հղում անելով ICMR («ԳՖԿ-Ռուս») ընկերության հետազոտությանը, որին մասնակցել է շուրջ 14 հազար մարդ։

Հետազոտության արդյունքներով՝ ավանդական սննդակարգի մոդելների տարածվածությունը նվազել է 6-7 տոկոսային կետով, մինչդեռ պատրաստի սննդի նկատմամբ հետաքրքրությունը զգալիորեն աճել է։ 2023 թվականի հունիսից մինչև 2025 թվականի ամառվա սկիզբը այս հատվածում վաճառքի ծավալը դրամական արտահայտությամբ աճել է 85 տոկոսով՝ հասնելով 81,4 միլիարդ ռուբլու։ Սառեցված պատրաստի ուտեստների վաճառքը նույն ժամանակահատվածում ավելացել է 60 տոկոսով։

Վերլուծաբանների գնահատմամբ՝ աճի հիմնական պատճառները արագությունն ու հարմարավետությունն են, ինչպես նաև սպառողների ցանկությունը ժամանակ խնայելու և իրենց «փայփայելու»։ Մասնագետները նշում են, որ պատրաստի ուտեստների պահանջարկի կտրուկ աճը տեղի է ունենում սննդամթերքի գների բարձրացման ֆոնին․ պարենային գնաճը գերազանցում է ընդհանուր գնաճը, ինչի պատճառով որոշ դեպքերում պատրաստի սնունդ գնելը կարող է ավելի շահավետ լինել, քան ինքնուրույն պատրաստելը։