Ուկրաինայի նախկին նախագահը Օրբանին կոչ է արել «կանգ առնել»

Ուկրաինայի նախկին նախագահ Վիկտոր Յուշչենկոն բաց նամակ է հղել Հունգարիայի վարչապետ Վիկտոր Օրբանին՝ նրան կոչ անելով կանգ առնել։ Նամակի տեքստը հրապարակվել է Յուշչենկոյի Facebook էջում։

Նամակում Յուշչենկոն հիշեցրել է, որ Օրբանին ճանաչում է դեռ 1990-ականներից և քննադատել է նրա քաղաքական դիրքորոշումը։ «Դու դավաճանում ես ոչ միայն Ուկրաինային, այլ նաև սեփական ժողովրդի հիշողությանը, որը գիտի, թե ինչ է նշանակում խորհրդային տանկերը Բուդապեշտի փողոցներում։ Վիկտոր, կանգ առ և հիշիր, թե ով էիր դու», — գրել է նա։

Նամակը հրապարակվել է Կիևի և Բուդապեշտի միջև աճող լարվածության ֆոնին, որի կենտրոնում էներգետիկ հարցերն են։ Ավելի վաղ Օրբանը հայտարարել էր, որ Ուկրաինան թույլ չի տալիս հունգարացի մասնագետներին ստուգել «Դրուժբա» նավթամուղը՝ փորձելով թաքցնել դրա աշխատանքի դադարեցման իրական պատճառները։ Իսկ Ուկրաինայի նախագահ Վլադիմիր Զելենսկին ավելի վաղ նշել էր, որ Կիևը կարող է Օրբանի հասցեն փոխանցել Ուկրաինայի զինված ուժերին, որպեսզի նրանք «խոսեն նրա հետ իրենց լեզվով»։