Քաղաքագետը չի բացառել Իրանի հնարավոր հարվածը Ուկրաինային

Քաղաքագետ Դմիտրի Ժուրավլևը չի բացառել, որ Իրանը կարող է հարված հասցնել Ուկրաինայի տարածքին։ Այս մասին նա ասել է «Լենտա.ռու»-ի հետ զրույցում՝ մեկնաբանելով Թեհրանի կողմից Ուկրաինան հնարավոր թիրախ համարելու հայտարարությունները։

Ժուրավլևի խոսքով՝ նման սցենարը տեսականորեն հնարավոր է, սակայն հարց է մնում՝ արդյոք Իրանը կունենա բավարար հրթիռային պաշար։ Նրա գնահատմամբ՝ ներկայում Իրանը և ԱՄՆ-ը գտնվում են լարված ռազմական դիմակայության մեջ, և կողմերից յուրաքանչյուրը փորձում է պահպանել հնարավորինս մեծ զինանոց։ Քաղաքագետի կարծիքով՝ եթե Թեհրանը այդ պաշարները օգտագործի Ուկրաինայի դեմ, կարող է նվազեցնել իր հնարավորությունները Մերձավոր Արևելքում ընթացող հակամարտության պայմաններում։

Ավելի վաղ Իրանի խորհրդարանի ազգային անվտանգության հանձնաժողովի ղեկավար Իբրահիմ Ազիզին հայտարարել էր, որ Ուկրաինայի կողմից Իսրայելին և ԱՄՆ-ին աջակցելը կարող է երկրի տարածքը դարձնել Իրանի համար «օրինական թիրախ»։ Միաժամանակ Ուկրաինայի նախագահ Վլադիմիր Զելենսկին հայտնել էր, որ Կիևը անօդաչուների դեմ պայքարի փորձագիտական խմբեր է ուղարկել Մերձավոր Արևելքի երեք երկրներ։