Թրամփին մատնանշել են Իրանի դեմ պատերազմի մեկ լուրջ սխալը

ԱՄՆ նախագահ Դոնալդ Թրամփի թիմում մտահոգություններ են առաջացել Իրանի դեմ առաջին հարվածների մասշտաբների վերաբերյալ։ Ինչպես հայտնում է Politico-ն, որոշ պաշտոնյաներ կարծում են, որ այդ գործողությունները կարող են ոչ թե թուլացնել, այլ հակառակը՝ բարդացնել Իրանում ռեժիմի փոփոխությունը։

Աղբյուրների փոխանցմամբ՝ բարձրագույն ղեկավարության և զինվորականների վերացման արդյունքում իշխանության կարող են գալ ավելի կոշտ դիրքորոշում ունեցող գործիչներ։ Նշվում է, որ նման զարգացումը կարող է ավելի սրել իրավիճակը և նվազեցնել բանակցությունների հնարավորությունը։

Միևնույն ժամանակ նշվում է, որ լայնամասշտաբ ռազմական գործողությունները կարող են բացասաբար անդրադառնալ Թրամփի վարկանիշի վրա։ Ավելի վաղ նա հայտարարել էր, որ Իրանի դեմ հարվածները կանխել են երրորդ համաշխարհային պատերազմը, սակայն տարածաշրջանում լարվածությունը շարունակում է աճել։