Դիետոլոգները զգուշացնում են․ նուռը կարող է վտանգավոր լինել որոշ մարդկանց համար

Չնայած նուռը հարուստ է հակաօքսիդանտներով, մանրաթելերով և վիտամին C-ով, մասնագետները զգուշացնում են, որ այն կարող է խնդիրներ առաջացնել որոշ մարդկանց համար։ Դիետոլոգներ Մեգգի Մունը և Քելսի Լորենցը նշել են, որ նուռը պետք է օգտագործել զգուշությամբ՝ հատկապես որոշ առողջական խնդիրների դեպքում։

Նրանց խոսքով՝ երիկամային հիվանդություններ ունեցող մարդիկ պետք է սահմանափակեն նռի օգտագործումը, քանի որ այն պարունակում է մեծ քանակությամբ կալիում։ Բացի այդ, մեծ չափաբաժնով նուռ կամ նռան հյութ օգտագործելը կարող է առաջացնել աղեստամոքսային խանգարումներ, այդ թվում՝ լուծ։

Մասնագետները նաև խորհուրդ են տալիս շաքարային դիաբետ ունեցողներին խուսափել նռի մաքուր օգտագործումից՝ բարձր շաքարի պարունակության պատճառով։ Սակայն նշվում է, որ նուռը կարելի է համադրել սպիտակուց և ճարպ պարունակող մթերքների հետ, օրինակ՝ յոգուրտի, ինչը կօգնի կայունացնել արյան շաքարի մակարդակը։