Մասնագետը նշել է՝ որ ֆիզիկական վարժություններն են լավագույնը հեռավար աշխատողների համար

LEVITA բալետի և ձգումների միջազգային ստուդիաների ցանցի ավագ մարզիչ Ակուլինա Բախտուրինան խորհուրդ է տվել հեռավար աշխատողներին օրվա ընթացքում պարբերաբար կատարել կարճատև ձգումներ և ֆիզիկական վարժություններ։ «Лента.ру»-ի հետ զրույցում նա նշել է, որ նույնիսկ սեղանի մոտ 10 րոպեանոց մարզանքները կարող են զգալիորեն թեթևացնել մարմնի լարվածությունը։

Մարզչի խոսքով՝ երկար ժամանակ նստած աշխատելու հետևանքով առաջանում է այսպես կոչված «ծովախեցգետնի դիրք», որը ծանրաբեռնում է պարանոցի, մեջքի և ազդրերի մկանները։ Նա ընդգծել է, որ աշխատանքի ընթացքում կանոնավոր փոքր դադարներն ավելի արդյունավետ են, քան օրվա վերջում մեկ երկար մարզումը։ Այդպիսի վարժությունները բարելավում են արյան շրջանառությունը և բարձրացնում աշխատունակությունը։

Բախտուրինան խորհուրդ է տվել սկսել պարանոցի ձգումներից՝ ձեռքերը մեջքի հետևում միացնելով և գլուխը կողքեր թեքելով։ Այնուհետև կարելի է կատարել մարմնի պտույտներ, կրծքավանդակի բացման վարժություններ, ինչպես նաև սեղանի և աթոռի օգնությամբ ձգել մեջքն ու ոտքերի հետևի մկանները։ Մասնագետը խորհուրդ է տվել աշխատանքային դադար անել յուրաքանչյուր 30-60 րոպեն մեկ։