Զելենսկին հայտարարել է, որ առաջիկա ամիսները կարող են վճռորոշ լինել հակամարտության համար

Ուկրաինայի նախագահ Վլադիմիր Զելենսկին հայտարարել է, որ Եվրոպական միության, G7-ի և ՆԱՏՕ-ի առաջիկա գագաթնաժողովները կարող են էական ազդեցություն ունենալ տարածաշրջանային զարգացումների վրա։ Այդ մասին նա ասել է Էստոնիայի նախագահ Ալար Կարիսի հետ համատեղ մամուլի ասուլիսի ընթացքում։

Զելենսկու խոսքով՝ այժմ կարևոր է նախապատրաստվել այն բանակցություններին և որոշումներին, որոնք ակնկալվում են ընդունել հունիս–հուլիս ամիսներին նախատեսված միջազգային հանդիպումների շրջանակում։ Նա ընդգծել է, որ այս տարվա ամառային քաղաքական օրակարգը կարող է նշանակալի դեր ունենալ հետագա գործընթացներում։

Հունիսի 18–19-ին Բրյուսելում նախատեսված է Եվրամիության առաջնորդների գագաթնաժողովը, իսկ հուլիսի 7–8-ին Անկարայում կանցկացվի ՆԱՏՕ-ի հերթական գագաթնաժողովը։ Ավելի վաղ նաև հաղորդվել էր, որ Զելենսկին ռուս գործարար Ռոման Աբրամովիչի հետ հանդիպման ընթացքում վերահաստատել է իր դիրքորոշումը Դոնբասի հարցում։