ՀԱՊԿ-ը պատրաստվում է «Անխախտ եղբայրություն-2026» զորավարժությանը

Բելառուսի Հանրապետությունում կայացել են ՀԱՊԿ խաղաղապահ ուժերի մասնակցությամբ «Անխախտ եղբայրություն-2026» հրամանատարաշտաբային զորավարժության և ՀԱՊԿ-ի ՌՔԲ (ռադիացիոն, քիմիական և կենսաբանական) պաշտպանության ու բժշկական ապահովման համատեղ կազմավորման մասնակցությամբ «Արգելք-2026» հատուկ զորավարժության կազմակերպման և անցկացման վերաբերյալ երկրորդ շտաբային բանակցությունները։

Բանակցությունների ընթացքում քննարկվել և համաձայնեցվել են զորավարժությունների սցենարները, հրամանատարության և ազգային զորախմբերի կազմերը, գործնական գործողությունների իրականացման կարգը, ինչպես նաև համակողմանի ապահովման հարցերը։

Մասնակիցները նաև ծանոթացել են «Լոսվիդո» և «Ստարոդորոժսկի» զորավարժարաններում նախատեսված ուսումնական գոտիներին։

Այս տարվա հոկտեմբերին Բելառուսի տարածքում նախատեսվող զորավարժությունների ընթացքում կքննարկվեն ՀԱՊԿ հավաքական խաղաղապահ ուժերի կողմից խաղաղապահ գործողությունների նախապատրաստման և իրականացման, ինչպես նաև կենսաբանական սպառնալիքների աղբյուրների չեզոքացման հարցեր։