Փորձագետը կանխատեսել է նավթի գների կտրուկ աճ՝ ԱՄՆ–Իրան հակամարտության սրման դեպքում
ԱՄՆ
ԱՄՆ-ի և Իրանի միջև հնարավոր նոր ռազմական սրացման դեպքում համաշխարհային շուկայում նավթի գինը կարող է գերազանցել մեկ բարելի դիմաց 110 դոլարի շեմը։ Նման գնահատական է տվել տնտեսագետ Իգոր Յուշկովը՝ «Взгляд»-ին տված մեկնաբանությունում։
Փորձագետի խոսքով՝ եթե հակամարտությունը խորանա և Օրմուզի նեղուցի հնարավոր սահմանափակումներից բացի Իրանը սկսի հարվածներ հասցնել նաև այլընտրանքային արտահանման երթուղիներին, այդ թվում՝ Արաբական Միացյալ Էմիրությունների Ֆուջեյրա նավահանգստին կամ Սաուդյան Արաբիայի «Արևելք–Արևմուտք» ենթակառուցվածքին, համաշխարհային շուկայում կարող է առաջանալ նավթի մատակարարման լրացուցիչ պակասուրդ։
Յուշկովի գնահատմամբ՝ ներկայում նավթային շուկայի հիմնական հարցը մնում է այն, թե արդյոք կպահպանվի ներկա իրավիճակը, թե շուկայից դուրս կգան լրացուցիչ ծավալներ։ Նա նաև կասկածի տակ է դրել ԱՄՆ նախագահ Դոնալդ Թրամփի հայտարարությունները Իրանից մեծ ծավալներով նավթի գաղտնի արտահանման վերաբերյալ՝ նշելով, որ առկա մոնիթորինգային տվյալները նման տեղեկությունները չեն հաստատել։
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
