Թրամփը կոշտ է արձագանքել իր հասցեին հնչող քննադատությանը

ԱՄՆ նախագահ Դոնալդ Թրամփը Truth Social սոցիալական հարթակում հրապարակմամբ արձագանքել է այն քննադատություններին, ըստ որոնց՝ իր քաղաքականությունը Իրանի նկատմամբ բավականաչափ խիստ չէ։

Թրամփը նշել է, որ ամերիկյան ֆոնդային շուկան հասել է ռեկորդային մակարդակի, իսկ նավթի գները նվազում են՝ այդ ամենը կապելով իր արտաքին քաղաքական քայլերի հետ։

Նրա խոսքով՝ այդ կապը չեն տեսնում միայն նախանձ մարդիկ, վատ մտադրություններ ունեցողները կամ, ինչպես ինքն է ձևակերպել, «պարզապես հիմարները»։

Ավելի վաղ G7 գագաթնաժողովի ընթացքում Թրամփը նաև հերքել էր տեղեկությունները, թե ԱՄՆ-ը պատրաստվում է մասնակցել Իրանի վերականգնման համար 300 միլիարդ դոլարի ներդրումային ֆոնդի ստեղծմանը։

Նա ընդգծել էր, որ Վաշինգտոնը նման ֆինանսավորում չի նախատեսում և հավելել, որ տարածաշրջանի երկրները նույնպես կսպասեն՝ գնահատելու Թեհրանի հետագա քաղաքականությունը։