Թրամփը կրկին կոշտ հայտարարություններ է արել Իրանի վերաբերյալ
ԱՄՆ
ԱՄՆ նախագահ Դոնալդ Թրամփը հայտարարել է, որ Վաշինգտոնը որևէ ֆինանսական աջակցություն չի տրամադրի Իրանին հնարավոր համաձայնագրի շրջանակում։ Այդ մասին նա գրել է Truth Social սոցիալական հարթակում։
«Մենք հանդիպման չենք համաձայնել հուսահատությունից․ դա արել է Իրանը։ Նրանք ծանր իրավիճակում են։ Մենք ինքներս կորոշենք, թե ինչպես կանցնեն առաջիկա 60 օրերը։ Նրանք չեն ստանա ոչ մի գումար, նույնիսկ տասը ցենտ», — գրել է Թրամփը։
Ավելի վաղ Reuters գործակալությունը հրապարակել էր ԱՄՆ–Իրան փոխըմբռնման հուշագրի որոշ դրույթներ։ Ըստ հրապարակման՝ կողմերը պարտավորվում են 60 օրվա ընթացքում համաձայնեցնել վերջնական համաձայնագրի տեքստը, սակայն այդ ժամկետը կարող է երկարաձգվել փոխադարձ համաձայնությամբ։
Հունիսի 17-ին Թրամփը նաև հերքել էր տեղեկությունները, թե հնարավոր համաձայնության շրջանակում նախատեսվում է ստեղծել Իրանի վերականգնման համար նախատեսված 300 միլիարդ դոլարի ներդրումային հիմնադրամ։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
