Ուկրաինայում հայտարարել են նավահանգիստներ նավերի մուտքի լիակատար դադարեցման մասին
Քաղաքական
Ուկրաինայի ագրարային քաղաքականության նախարար Տարաս Վիսոցկին հայտարարել է, որ երկրի նավահանգիստներ նավերի մուտքը լիովին դադարեցվել է։ Նրա խոսքերը փոխանցում է «Страна.ua»-ն։
Նախարարի խոսքով՝ մինչ վերջերս ուկրաինական նավահանգիստներ օրական մուտք էր գործում 4-5 նավ, սակայն ներկայում այդ գործընթացը լիովին կանգ է առել։ Նա նշել է, որ սա նավատերերի որոշումն է, իսկ պետությունը որևէ սահմանափակում չի կիրառել։ Վիսոցկին նաև հայտնել է, որ դադարն արդեն շարունակվում է չորս օր, և դեռ հայտնի չէ, թե երբ կվերականգնվի նավերի երթևեկությունը։
Ավելի վաղ հաղորդվել էր, որ ռուսական կողմը հայտարարել է Սև ծովում և Չեռնոմորսկի նավահանգստում անօդաչու թռչող սարքերի միջոցով հարվածներ հասցնելու մասին մի շարք բեռնատար նավերի, որոնք, ըստ այդ հայտարարությունների, օգտագործվում էին Ուկրաինայի զինված ուժերի շահերից ելնելով։


















































Ամենադիտված
Երևանն անցնում է նոր ժամային գրաֆիկի