Զելենսկին դժգոհել է Ուկրաինայի՝ ձմռանը պատրաստ լինելու ընթացքից

Ուկրաինայի նախագահ Վոլոդիմիր Զելենսկին հայտարարել է, որ գոհ չէ երկրի՝ ձմեռային սեզոնին նախապատրաստման ընթացքից։ Նրա խոսքերը փոխանցում է «Страна.ua»-ի Telegram ալիքը։

Զելենսկին նշել է, որ լոգիստիկան, գյուղատնտեսությունը, հացահատիկի ոլորտը և էներգետիկան կարևոր ուղղություններ են, սակայն դրանց կայունության ապահովման ծրագրերի իրականացումը չի բավարարում իրեն։ Նրա խոսքով՝ կատարված աշխատանքների տոկոսը չափազանց ցածր է, և անհրաժեշտ է արագացնել նախապատրաստական գործընթացը։

Ավելի վաղ Ուկրաինայի նախագահը հայտարարել էր, որ ձմռանը ոչ բավարար պատրաստվածության դեպքում կարող են կադրային որոշումներ ընդունվել տեղական իշխանությունների նկատմամբ։ Իսկ էներգետիկայի նախարար Դենիս Շմիգալը զգուշացրել էր, որ երկիրը ծանր ձմեռ է սպասվում և կոչ արել քաղաքացիներին նախապես պատրաստվել։