Թրամփն ու Կիմ Չեն Ընը կհանդիպեն

ԱՄՆ նախագահ Դոնալդ Թրամփը ճնշում է գործադրում իր օգնականների վրա այս աշնանը Հյուսիսային Կորեայի առաջնորդ Կիմ Չեն Ընի հետ հանդիպում կազմակերպելու համար, հաղորդում է The Wall Street Journal-ը՝ հղում անելով աղբյուրներին։

Աղբյուրների համաձայն՝ Թրամփը և նրա խորհրդականները քննարկել են Կիմ Չեն Ընի հետ անձնական բանակցություններ վարելու հնարավորությունը նրա Ասիա կատարելիք հաջորդ այցի ընթացքում։ Հրատարակությունը հայտնում է, որ Թրամփը կարող է մասնակցել նոյեմբերին Շենժենում կայանալիք Ասիա-խաղաղօվկիանոսյան տնտեսական համագործակցության (APEC) գագաթնաժողովին։

Ինչպես նշում է հրատարակությունը, երկու առաջնորդների միջև հանդիպման պաշտոնական ծրագրեր ներկայումս չեն մշակվում։