ԱՄՆ-ից մի խումբ ՌԴ քաղաքացիների արտաքսել են Իրան՝ առանց իրանական անձնագրերի

ԱՄՆ ներգաղթի և մաքսային ծառայությունը (ICE) 2025 թվականին Ռուսաստանի մի քանի քաղաքացիների արտաքսել է Իրան։ Այս մասին, հղում անելով RTVI.US-ին, գրում է Lenta.ru-ն։

Լրատվամիջոցի տվյալներով՝ ռուսաստանցիներն ու Եգիպտոսի քաղաքացիները 2025 թվականի սեպտեմբերին գտնվել են դեպի Իրան իրականացված արտաքսման չվերթում։ Նշվում է, որ ավելի ուշ դատարանն արգելել է Իրան արտաքսել Ռուսաստանի և այլ երկրների այն քաղաքացիներին, որոնք իրանական անձնագրեր չունեն։

RTVI.US-ը գրում է, որ արտաքսման գործընթացը կազմակերպվել է այն ժամանակահատվածում, երբ իրավիճակը Իրանի շուրջ լարված էր՝ 2025 թվականի հունիսին իրանական միջուկային օբյեկտներին Իսրայելի և ԱՄՆ-ի հասցրած հարվածներից հետո։