Սևանա լճի ափամերձ 3100 քմ հողատարածքը վերադարձվել է պետությանը

Սևանա լճի ափամերձ հատվածում գտնվող 3100 քմ մակերեսով հողատարածքը վերադարձվել է Հայաստանի Հանրապետության տիրապետմանը։ Այդ մասին հայտնում է ՀՀ գլխավոր դատախազությունը։

Դատախազության պետական շահերի պաշտպանության վարչությունը հունիսի 19-ին միջնորդագիր էր ներկայացրել Շրջակա միջավայրի նախարարություն և «Սևան» ազգային պարկ՝ հողատարածքի վարձակալության պայմանագիրը դադարեցնելու ուղղությամբ միջոցներ ձեռնարկելու վերաբերյալ։

Միջնորդագրից հետո «Սևան» ազգային պարկը և վարձակալած ֆիզիկական անձը համատեղ դիմել են Կադաստրի կոմիտե, որի տվյալներով՝ օգոստոսի 19-ին 3100 քմ հողատարածքի վարձակալության իրավունքը դադարեցվել է։

Գույքի շուկայականին մոտարկված կադաստրային արժեքը կազմում է 21 մլն 186 հազար դրամ։