ԱՄՆ տնտեսության համար ավելի լավ ցուցանիշներ են սպասվում․ պատճառներից մեկը արհեստական բանականության զարգացումն է

ԱՄՆ-ի տնտեսության աճը 2026 թվականի երրորդ եռամսյակում կարող է կազմել 2,5%՝ նախկինում կանխատեսված 2%-ի փոխարեն։ Այս մասին, հղում անելով տնտեսագետների շրջանում անցկացված հարցմանը, հայտնում է Bloomberg-ը։

Կանխատեսման բարելավումը մասնագետները կապում են սպառողական ծախսերի և մասնավոր ներդրումների կայուն աճի հետ։ Տնտեսության վրա դրական ազդեցություն է ունենում նաև արհեստական բանականության արագ զարգացումը, որի պատճառով ընկերությունները մեծացնում են կապիտալ ներդրումները։ Դրանք 2026 թվականին կարող են գերազանցել 1 տրիլիոն դոլարը, իսկ 2027-ին՝ հասնել 1,5 տրիլիոնի։

Միաժամանակ տնտեսագետները զգուշացնում են, որ Իրանի շուրջ ռազմական ճգնաժամը կարող է արագացնել գնաճը և բացասաբար ազդել ԱՄՆ տնտեսական աճի վրա։ Փորձագետները նաև չեն բացառում, որ Դաշնային պահուստային համակարգը տոկոսադրույքները կարող է անփոփոխ պահել մինչև հաջորդ տարվա հուլիս։