Թրամփը միջանկյալ ընտրություններին է մոտենում առանց արտաքին քաղաքական խոշոր հաջողությունների
ԱՄՆ
ԱՄՆ նախագահ Դոնալդ Թրամփը նոյեմբերին կայանալիք միջանկյալ ընտրություններին է մոտենում արտաքին քաղաքական մի շարք չլուծված խնդիրներով։ Reuters-ը գրում է, որ Իրանի հետ պատերազմը շարունակվում է, իսկ Ուկրաինայի և Գազայի շուրջ խաղաղության հասնելու փորձերը դեռ արդյունք չեն տվել։
Իրանի հետ հակամարտության հետևանքով ԱՄՆ-ում բարձրացել են վառելիքի գները, իսկ շարունակվող գնաճը լրացուցիչ ճնշում է ստեղծում Սպիտակ տան համար։ Reuters/Ipsos-ի վերջին հարցման համաձայն՝ Թրամփի գործունեությանը հավանություն է տալիս ամերիկացիների 33 տոկոսը։ Այս իրավիճակը մտահոգություն է առաջացնում հանրապետականների շրջանում, որոնք միջանկյալ ընտրություններում կարող են կորցնել Կոնգրեսի մեկ կամ երկու պալատների վերահսկողությունը։
Սպիտակ տունը, սակայն, պնդում է, որ Թրամփի արտաքին քաղաքականությունը մի շարք հաջողություններ է գրանցել՝ մատնանշելով հակամարտությունների դադարեցումը, Գազայից պատանդների ազատ արձակումը և Իրանի նկատմամբ ճնշումը։ Փորձագետների գնահատականները տարբեր են․ մի մասը նշում է, որ Թրամփի կոշտ քաղաքականությունը հակառակորդներին ստիպում է բանակցել, սակայն հաճախ չի հանգեցնում երկարաժամկետ համաձայնությունների։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
