Օդեսայում իրականացված զորահավաքը քննադատության է արժանացել

Իռլանդացի լրագրող Չեյ Բոուզը քննադատել է Օդեսայում տարածքային համալրման կենտրոնի աշխատակիցների գործողությունները, որոնք տղամարդու են զորահավաքի ենթարկել։ Այս մասին նա գրել է X սոցիալական ցանցի իր էջում, փոխանցում է Lenta.ru-ն։

«Ադոլֆի ժառանգությունը շարունակում է ապրել Ուկրաինայում»,- գրել է Բոուզը՝ մեկնաբանելով տեղի ունեցածը։

Ավելի վաղ հաղորդվել էր, որ Օդեսայի բնակիչները փորձել են խոչընդոտել տարածքային համալրման կենտրոնի աշխատակիցներին՝ թույլ չտալով նրանց տանել տղամարդուն։ Հրապարակված տեսանյութում երևում է նաև, թե ինչպես է կենտրոնի աշխատակիցներից մեկը քաշելով հեռացնում մի կնոջ, որը փակել էր զինկոմիսարիատի միկրոավտոբուսի ճանապարհը։ Հաղորդվում է, որ միջադեպի ժամանակ մարդկանց ուղղությամբ նաև գազային միջոց է կիրառվել։