Փաշինյան․ Արտահանման ոլորտում խնդիրներ կան, բայց տնտեսությունը հարմարվում է

Վարչապետ Նիկոլ Փաշինյանը, անդրադառնալով Հայաստանի տնտեսական ցուցանիշներին, հայտարարեց, որ 2026 թվականի առաջին վեց ամիսներին տնտեսական ակտիվության ցուցանիշը կազմել է 7,7 տոկոս։

Նրա խոսքով՝ արտադրության ոլորտում արձանագրվել է 9,5 տոկոսի աճ, շինարարության ոլորտում՝ 25 տոկոս, առևտրի ոլորտում՝ 0,8 տոկոս, իսկ ծառայությունների ոլորտում՝ 13 տոկոս աճ։

«Սա շատ լավ մեկնարկ է ընտրություններից հետո»,- ասաց Փաշինյանը՝ ներկայացնելով Վիճակագրական կոմիտեի հրապարակած վերջին տվյալները։

Վարչապետը նշեց, որ արդյունաբերության ոլորտում աճը կազմել է 3,1 տոկոս, մինչդեռ առևտրի ոլորտում գրանցվել է աննշան անկում՝ ցուցանիշը կազմել է 99,9 տոկոս։ Ծառայությունների ոլորտում աճը հասել է 17 տոկոսի։

Անդրադառնալով արտահանման ոլորտին՝ Փաշինյանն ընդունեց, որ առկա են որոշ դժվարություններ, սակայն վստահություն հայտնեց, որ տնտեսությունը հարմարվում է նոր պայմաններին։

«Արտահանման ոլորտում մենք որոշակի խնդիրներ ունենք, բայց տեղի է ունենում ադապտացիա և դիվերսիֆիկացիա։ Համոզված ենք, որ այդ խնդիրները ժամանակի ընթացքում կլուծվեն»,- ասաց նա։

Վարչապետի գնահատմամբ՝ հրապարակված տվյալները վկայում են տնտեսության ճկունության և փոփոխվող պայմաններին արագ հարմարվելու կարողության մասին։