Գագիկ Խաչատրյանի գործը ձգձգած դատավորի և նրա ընտանիքի ունեցվածքը պետք է ստուգել․ Փաշինյան

Վարչապետ Նիկոլ Փաշինյանը անդրադարձել է նախկին ՊԵԿ նախագահ Գագիկ Խաչատրյանի վերաբերյալ քրեական գործի քննության ձգձգմանը՝ քննադատելով դատավորի գործողությունները։

Փաշինյանի խոսքով՝ գործի քննությունն այնքան է ձգձգվել, որ դատավորը հասցրել է թոշակի անցնել, ինչի հետևանքով, ըստ վարչապետի, ամբողջ իրավական գործընթացը կարող է զրոյանալ։

«Հիմա ես դատաիրավական համակարգին ոչ թե հրահանգում եմ, այլ պահանջում եմ՝ մանավանդ էդ դատավորը թոշակի է գնացել, գնացեք, իր և իր ընտանիքի ամբողջ ունեցվածքը նայեք»,- հայտարարել է Փաշինյանը։