Պենտագոնը մինչև նոյեմբեր Եվրոպայում ամերիկյան զորքեր տեղակայելու տարբերակներ կպատրաստի

Մինչև նոյեմբերի 6-ը Պենտագոնը գերատեսչության ղեկավար Փիթ Հեգսեթին Եվրոպայում ամերիկյան ռազմական կոնտինգենտի հետագա տեղակայման առնվազն չորս տարբերակ կպատրաստի։ Այս մասին հայտնում է Reuters-ը՝ հղում կատարելով փաստաթղթին։

Փաստաթղթի համաձայն՝ որոշումներ կայացնելիս Պենտագոնը հաշվի կառնի, թե որքանով են ԱՄՆ դաշնակիցները պատրաստ ամերիկացի զինվորականներին մուտք գործել իրենց բազաներ և երկինք։ Փորձագետները կգնահատեն նաև եվրոպական երկրների հնարավորությունները տիեզերական ոլորտում, կիբերանվտանգության և հետախուզության ոլորտում, ինչպես նաև նրանց կողմից պաշտպանական ծախսերի պարտավորությունների կատարումը։

Գործակալությունը նշում է, որ Եվրոպայում ԱՄՆ զինված ուժերի հրամանատարը պետք է մինչև սեպտեմբերի 18-ը մասնակցի Պենտագոնի քաղաքական հարցերով փոխղեկավար Էլբրիջ Քոլբիի հետ քննարկումներին։ Այս հանդիպումը պետք է լինի Հեգսեթի համար տարբերակների պատրաստման առանցքային փուլերից մեկը։