Վուչիչը Մլադիչի մահից հետո մեղադրել է ՄԱԿ-ի դատարանին «ոչ քաղաքակիրթ վարքագծի» մեջ

Սերբիայի նախագահ Ալեքսանդր Վուչիչը քննադատել է Հաագայում գործող ՄԱԿ-ի Միջազգային քրեական տրիբունալների մնացորդային մեխանիզմին՝ Բոսնիայի սերբերի բանակի նախկին հրամանատար Ռատկո Մլադիչին առողջական վիճակի պատճառով ազատ արձակելուց հրաժարվելու համար։ Նրա խոսքերը փոխանցում է Associated Press-ը։

«Դա ոչ քաղաքակիրթ վարքագիծ էր՝ աննախադեպ և որևէ արդարացում չունեցող։ Այժմ տեսնում ենք, որ նրանք ցանկանում էին, որպեսզի Մլադիչը մահանա ճաղերի հետևում», — հայտարարել է Վուչիչը։

Ռատկո Մլադիչի մահվան մասին հայտնի է դարձել օգոստոսի 27-ին։ 2017 թվականին նախկին Հարավսլավիայի հարցերով միջազգային քրեական տրիբունալը նրան մեղավոր էր ճանաչել Բոսնիայի պատերազմի ընթացքում ցեղասպանության, մարդկության դեմ հանցագործությունների և պատերազմական հանցագործությունների համար ու դատապարտել ցմահ ազատազրկման։