Վրաստանում ձերբակալվել է Վահագն Չախալյանի եղբայրը. Грузия Online

Վրաց իրավապահ մարմինները ձերբակալել են հայ ակտիվիստ Վահագն Չախալյանի եղբորը` Արմեն Չախալյանին. հայտնում է Грузия Online-ը` վկայակոչելով Ախալքալաքի բնակիչներից մեկի հայտարարությունը:

Վերջինիս տվյալներով` Արմեն Չախալյանը մեղադրվում է Նինոծմինդայում անկարգություններ հրահրելու համար: Թե ինչի հետ են կապված այդ անկարգությունները, դեռևս հայտնի չէ:

Ըստ առկա տեղեկությունների` նրան ձերբակալելու գործում մասնակցել է «Նինոծմինդայի և Ախալքալաքի ոստիկանությունը և հատուկ նշանակության ջոկատը` դիմակներով ու ինքնաձիգներով»:

Կատարվածի մասին պաշտոնական տեղեկություններ չկան: