Վեդիի ՋՕԸ աշխատակիցներն անզգուշաբար վնասվել են 150 խնձորենի

Վեդիի ՋՕԸ աշխատակիցները վառել են Վեդի-Վանաշեն ճանապարհի ձախ կողմում գտնվող խնձորենիներից մոտ 150 ծառ: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից Ոստիկանության Արարատի բաժին փետրվարի 13-ին, ժամը 11.05-ին դիմել է 1965 թվականին ծնված Հակոբ Ս.-ն և հայտնել, որ փետրվարի 12-ին, ժամը 11.00-ից 13.00-ն ընկած ժամանակահատվածում Վեդիի ՋՕԸ աշխատակիցները վառել են ջրատար առուների խոտը, ինչի հետևանքով անզգուշաբար վառվել է նաև Վեդի-Վանաշեն ճանապարհի ձախ կողմում գտնվող իր խնձորենու այգու խոտածածկի մակերևույթը և հրդեհային ներգործության է ենթարկվել մոտ 150 խնձորենի: Վնասի չափը պարզվում է: Կատարվում է հետաքննություն: