Վանաձորում առևտրի տաղավար են թալանել

Ոստիկանության Տարոնի բաժին է դիմել 1970թ. ծնված Գայանե Շ.-ն և հաղորդում տվել, որ Վանաձորի Մյասնիկյան փողոցում գտնվող իր տաղավարից, պատուհանը հրել-բացելով, գողացել են 120.000 դրամ ընդհանուր արժողության տարբեր տեսակի զարդեր, ժամացույցներ, մատանիներ, բրելոկներ, ինչպես նաև 23.000 դրամ կանխիկ գումար:

Ինչպես տեղեկացնում են ՀՀ ոստիկանության հասարակայնության հետ կապերի եւ լրատվության վարչությունից, ոստիկանության ծ առայողները, գողությունը կատարելու կասկածանքով, բերման են ենթարկել 1996թ. ծնված Անուշավան Մ.-ին և 1993թ. ծնված Լենտրուշ Ա.-ին: Անուշավան Մ.-ի մոտից հայտնաբերվել է ձեռքի 2 ժամացույց, 3 մատանի, 1 կրակայրիչ, իսկ Լենտրուշ Ա.-ի մոտից' 2 մատանի: Ըստ նրանց հայտարարության' նշված իրերը փետրվարի 18-ին' ժամը 03.00-ի սահմաններում, Անուշավան Մ.-ն գողացել է Մյասնիկյան փողոցի տաղավարից: Փաստի կապակցությամբ քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է քրեական գործ: Փետրվարի 19-ին Անուշավան Մ.-ն ձերբակալվել է:

Կատարվում է նախաքննություն: