Ինքն իր արած գործի համար պետք է պատիժը կրի. Յուրի Վարդանյանը` որդու մասին
Իրավունք
«Իմ որդու գործից ամեն ինչ նորմալ է: Ես չեմ մասնակցում դատերին, ոնց որ դատը պիտի գնա, այդպես էլ պիտի գնա, ինքն իր արած գործի համար պետք է պատիժը կրի»: Այս մասին այսօր` Ազգային ժողովում, լրագրողների հետ ճեպազրույցում ասաց Սպորտի և երիտասարդության հարցերի նախարար Յուրի Վարդանյանն` անդրադառնալով հարցին, թե արդյո՞ք մասնակցում է իր որդու դատավարությանը:
«Ինչի՞ն միջամտեմ, ի՞նչ միջամտեմ, եթե ինքն է սխալ թույլ տվել և իր սխալի համար պետք է պատժվի, միջամտեմ, որ ի՞նչ»:
Դիտարկմանը, թե հասարակության մեջ տեսակետ կա, որ կարող է օգտագործել իր նախարարական դիրքը, նա պատասխանեց, որ անձնական հարցերի համար պաշտոնական դիրք օգտագործելը սխալ է համարում, մանավանդ որ իր որդին է սխալ եղել:
Նախարարի խոսքով` ինքը նախատել է որդուն թմրամիջոց օգտագործելու համար և իր համար ցավալի է ամեն անգամ խոսել այս թեմայից:
«Լավ բան չի արել և որևէ մեկի երեխուն չեմ ցանկանա, որ անկախ նրանից պաշտոնյա է, ոչ պաշտոնյա է, ինչ է նշանակում, մարիխուանա ծխել, դա շատ վատ երևույթ է, առավել ևս իմ տղան չպիտի աներ նման բան»,-ասաց Յուրի Վարդանյանը:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
