Ոգելից խմիչք, վիճաբանություն, վնասվածքներ

Փետրվարի 28-ին, ժամը 00.35-ին, ոստիկանության Էրեբունու բաժնում հաղորդում է ստացվել, որ Գաջեգործների 2-րդ փողոցի թիվ 21 հասցեում կռիվ է, որտեղից «գլխի գագաթային շրջանի կտրած վերք» ախտորոշմամբ «Էրեբունի» բժշկական կենտրոն է տեղափոխվել 1977 թ. ծնված Պողոս Ս.-ն:

Նույն օրը, ժամը 00.37-ին, ոստիկանություն է զանգահարել նշված հասցեի բնակչուհի, 1984 թ. ծնված Գոհար Ս.-ն և խնդրել, որ ոստիկաններ գան իրենց տուն:

Մեկնած օպերատիվ խումբը ժամը 02.00-ին բերման է ենթարկել 1972 թ. ծնված Սամվել Օ.-ին:

Պարզվել է, որ նա ոգելիչ խմիչք օգտագործած վիճակում մի քանի անհայտ անձանց հետ միասին վիճաբանել է Պողոս Ս.-ի, Գոհար Ս.-ի և 1957 թ. ծնված Արուս Ս.-ի հետ, որի ընթացքում մետաղյա ձողով և քարով հարվածել է նրանց' պատճառելով վնասվածքներ:

Տուժողներից ընդունվել են հաղորդումներ:

Նշանակվել են դատաբժշկական փորձաքննություններ:

Ոստիկանության մամուլի ծառայությունից հայտնում են, որ կատարվում է հետաքննություն: