ՍԴ-ն վերսկսեց կուտակային կենսաթոշակների օրենքի վերաբերյալ դատաքննությունը

ՀՀ Սահմանադրական դատարանը' ժամը 15:00-ին, 90 րոպեանոց ընդմիջումից հետո վերսկսեց «Կուտակային կենսաթոշակների մասին» ՀՀ օրենքի 5, 7, 8, 37, 38, 45, 49 և 86-րդ հոդվածների սահմանադրականության վերաբերյալ» գործի դատաքննությունը: «Շարունակում ենք գործի դատաքննությունը, այս պահին հարցեր տալու իրավունք ունի պատասխանող կողմը: Հարցն ուղղեք դիմող կողմին, իրենք կընտրեն, թե ով է պատասխանում»,- ասաց ՍԴ Նախագահ Գագիկ Հարությունյանը:

Սահմանադրական դատարանում մարտի 28-ին սկսվեց «Կուտակային կենսաթոշակների մասին» ՀՀ օրենքի 5, 7, 8, 37, 38, 45, 49 և 86-րդ հոդվածների սահմանադրականության վերաբերյալ» գործի դատաքննությանը՝ ՀՀ ԱԺ պատգամավորների դիմումի հիման վրա: Դատաքննությանը ներկա են Սահմանադրական դատարանի 9 դատավորներ՝ ՍԴ նախագահ Գագիկ Հարությունյանի գլխավորությամբ: ՍԴ կողմից որպես զեկուցողներ են ՍԴ անդամներ Վոլոդյա Հովհաննիսյանը և Կիմ Բալայանը:

Պատասխանող կողմ է ներգրավվել ՀՀ Ազգային Ժողովը, որը ՍԴ-ում կներկայացնի ՀՀ ԱԺ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը: ՀՀ սոցիալական ապահովության պետական ծառայության պետի առաջին տեղակալ Սմբատ Սաիյանը և ՀՀ ֆինանսներ ի նախարարության աշխատակազմի ղեկավար Կարեն Թամազյանը ՍԴ-ում կներկայացնեն ՀՀ կառավարությանը: ՀՀ կենտրոնական բանկը կներկայացնեն ՀՀ ԿԲ նախագահի տեղակալ Ներսես Երիցյանը, ՀՀ ԿԲ Ֆինանսական համակարգի կարգավորման վարչության պետ Մհեր Աբրահամյանը և ՀՀ ԿԲ Ֆինանսական համակարգի կար գավորման վարչության առաջատար մասնագետ Վիգեն Շահնազարյանը: Դիմող կողմի ներկայացուցիչները' ԱԺ ՀՅԴ խմբակցության պատգամավոր Արծվիկ Մինասյանը, փաստաբան Մերի Խաչատրյանը և իրավապաշտպան Արտակ Զեյնալյանը ներկայացրել են իրենց դիրքորոշումները առավոտյան ժամը 10:00-ին մեկնարկած նիստի ընթացքում:

Նիստին մասնակցում են ՀՀ Ազգային Ժողովի պատգամավորներ ինչպես նաև «Դ!եմ եմ» նախաձեռնության ներկայացուցիչներ ու շահագրգիռ այլ անձինք:

Հանրապետությունում հունվարի 1-ից գործարկվում է կենսաթոշակային պարտադիր կուտակային համակարգը, ըստ որի' 1974 թվականից հետո ծնված քաղաքացիները կկատարեն 5 տոկոսի չափով պարտադիր վճարումներ' կուտակային հիմնադրամներին: Կենսաթոշակային համակարգի մասնակիցների գումարները կառավարվելու է ֆոնդի կառավարիչների միջոցով: