Գողություն «Օրանժից»

Փետրվարի 12-ին ժամը 15:40-ից մինչև 18:00-ն ընկած ժամանակահատածում անհայտ անձինք Հյուսիսային պողոտայում գործող «Օրանժ Արմենիա» ՓԲԸ գրասենյակի վաճառասրահից գաղտնի հափշտակել են 70 հազար դրամ արժողությամբ Nokia մոդելի երկու բջջային հեռախոս:

Ինչպես տեղեկացնում են ՀՀ ոստիկանությունից, փաստի առթիվ ՀՀ ոստիկանության Կենտրոնականի քննչական բաժնում հարուցվել է քրեական գործ: Գրասենյակում գործող տեսագրող սարքերը տեսագրել են գրասենյակի սրահում շրջող երկու անձնաց և հիշյալ ժամանակահատվածում երկու անգամ մոտեցել են այն տաղավարին, որտեղից կատարվել է գողությունը: Տաղավարից հեռանալիս' նրանցից մեկի մոտ եղել է սպիտակ, մյուսի մոտ' դեղին պոլիէթիլենային տոպրակ: