Վերնիսաժի մոտ կրակոցներից վիրավորված անձանցից ամենաերիտասարդը 26 տարեկան է, ամենատարեցը` 72

Երևանի կենտրոնում' Վերնիսաժի մոտ, մայիսի 17-ին հնչած կրակոցներից վիրավորված անձանցից ամենաերիտասարդը 26-ամյա Մյասնիկ Հայրապետյանն է, իսկ ամենատարեցը' 72-ամյա Մնացական Սուքիասյանը: Նրանց թվում 64 տարեկան Ալբինա Բադալյանն է, ում վնասվածքն ամենաթեևն է: Նա վիրավորվել է ոտքի շրջանում: Վալերի Հովհաննիսյանը և Նորայր Հարությունյանը 30 տարեկան են: Նրանց Թիվ 1 Համալսարանական հիվանդանոցում վիրահատում են: Ինչպես հաղորդում է «Արմենպրես»-ի թղթակիցը հիվանդանոցից, չորսից մեկի վնասվածքը որովայնի հատվածում է և բավականին բարդ վիրահատություն է ընթանում: