Վառնայում մոլեգնած ջրհեղեղի հետևանքով տասը մարդ է զոհվել

Տեղատարափ անձրևը ջրհեղեղ է առաջացրել Բուլղարիայի Վառնա քաղաքում, ինչի հետևանքով տասը մարդ է զոհվել: Զոհերի թվում է հնգամյա մի երեխա, տեղեկացնում է տեղի ոստիկանությանը:

Քաղաքի փողոցները հեղեղված են: Հանրային տրանսպորտի երթևեկությունը դադարեցված է: «Շտապօգնության» մեքենաները չեն կարողանում հասնել տուժածներին: Քաղաքի շատ շրջաններում անջատված է էլեկտրականությունը:

Բուլղարիայի վարչապետ Պլամեն Օրեշարսկու կարգադրությամբ փրկարար աշխատանքները կոորդինացնելու համար Վառնա է ուղարկվել փոխվարչապետ և ներքին գործերի նախարար Ցվետլին Յովչևը, հաղորդել է ԻՏԱՌ-ՏԱՍՍ-ը: