Իսպանիայի թագավորի քրոջը՝ Քրիստինային, փողերի լվացման մեղադրանքներ կառաջադրեն

Արքայադուստր Քրիստինային՝ Իսպանիայի Ֆելիպե VI նոր թավավորի քրոջը և պետության նախկին ղեկավար Խուան Կառլոսի դստերը, այս շաբաթ կառաջադրեն մեղադրանքներ: Այդ մասին հունիսի 23-ին հաղորդել է Mundo թերթը:

«Դատավոր Կաստրոն արքայադուստր Քրիստինային կառաջադրի փողերի լվացման և ֆինանսական հանցագործությունների մասնակցության մեղադրանքներ, որոնք 2007 և 2008 թվականներին կատարել է նրա ամուսինը: Ամենայն հավանականությամբ, դատական վճիռը հայտնի կդառնա այս շաբաթ, ավելի շուտ վաղը չէ մյուս օրը»,- գրել է թերթը:

Արքայադստերը կասկածում են Aizoon ընկերության կողմից հարկային հանցագործությունների և փողերի լվացման մեջ, որի սեփականատերն է նա ամուսնու՝ Ինյակի Ուրդանգարինի հետ: Նրան կարող է սպառնալ 11 տարվա բանտարկություն. վեց տարի՝ փողերի լվացման, ևս հինգը՝ պետական գանձարանի դեմ կատարված հանցագործություններին մասնակցելու համար, հաղորդել է ՌԻԱ Նովոստին: