Ուկրաինայի ՆԳՆ-ն ազատել է մոտ 17.000 աշխատակցի

Ինչպես հայտնում է itar-tass-ը, Ուկրաինայի ներքին գործերի նախարարությունն ազատել է մոտ 17.000 աշխատակցի, ովքեր խախտել են ուկրաինացի ժողովրդին տված հավատարմության երդումը: Այս մասին հայտարարել է Ուկրաինայի ՆԳ փոխնախարար Սերգեյ Չեբոտարը:

«Նախարարությունն ակտիվորեն պայքարում է այն ոստիկանների դեմ, ովքեր «խեղաթյուրել են» են իրենց երդումը, մասնավորապես ներգրավվելով կոռուպցիոն գործընթացների, թմրանյութերի վաճառքի և այլ հանցագործությունների մեջ»,- հայտնել է փոխնախարարը:

Չեբոտարը նաև նշել է, որ Ուկրաինայի ՆԳՆ ներկայացուցիչները պետք է իրենց աշխատանքային գործունեությունը ծավալեն հանուն հայրենիքի և հանուն ուկրաինացի ժողովրդի: