Ուկրաինայի արևելքում ավելի քան 400 մարդ է զոհվել. ՄԱԿ
Աշխարհ
ՄԱԿ-ում հայտնել են, որ Ուկրաինայի արևելքում ապրիլի 15-ից մինչև հունիսի 20-ն ընկած ժամանակահատվածում զոհվել է 423 մարդ:
Զոհվածների (զինվորականների և քաղաքացիական անձանց) թվաքանակի վերաբերյալ տվյալները հիմնվում են պաշտոնական աղբյուրներից ստացված տեղեկատվության վրա, ասել է ՄԱԿ-ի գլխավոր քարտուղարի` մարդու իրավունքների հարցերով օգնական Իվան Շիմոնովիչը ՄԱԿ-ի Անվտանգության խորհրդի նիստում ունեցած ելույթի ժամանակ, տեղեկացնում է BBC-ն:
Նա նշել է, որ վերջին երկու շաբաթվա ընթացքում կրկնակի ավելացել է այն ուկրաինացիների թիվը, ովքեր լքել են իրենց տները: Հունիսի 23-ի դրությամբ ՄԱԿ-ի փախստականների գործերի գործակալությունը արձանագրել է, որ տեղահանված քաղաքացիների թիվը գերազանցել է 46 հազարը:
ՈՒՂԻՂ ԵԹԵՐ
Ամենադիտված 
Ադրբեջանցին «Կեցցե Ադրբեջանը» երգը միացրած մեքենայով շրջում է Հայաստանում
