Քեմերոնն ակնարկել է, որ հեծանվով զբոսանքը կնախընտրեր Եվրամիության գագաթնաժողովից

Մեծ Բրիտանիայի վարչապետ Դևիդ Քեմերոնը Բելգիայի Իպր քաղաքում ընթացող Եվրամիության գագաթնաժողովի շրջանակներում կայացած ընթրիքի ժամանակ ակնարկել է, որ հեծանվով զբոսանքը կնախընտրեր պաշտոնական հանդիպումից: Այդ մասին գրել է Diewelt-ը:

Գագաթնաժողովի առաջին օրը կայացած կարճատև ընթրիքի ընթացքում խոսվել է Իպրում գտնվող բրիտանացի հեծանվորդների մասին: «Դե, եթե ես կարողանայի ընտրություն կատարել Եվրախորհրդի և հեծանվով զբոսանքի միջև…»,- նախադասությունը կիսատ է թողել բրիտանացի քաղաքական գործիչը:

Հրատարակության տեսանկյունից' բրիտանացի վարչապետի կատակով արված մեկնաբանությունը ցուցադրում է նրա քամահրական վերաբերմունքը գագաթնաժողովին, որտեղ Եվրամիության ղեկավարները պետք է կողմնորոշվեն Եվրախորհրդարանի ղեկավարի պաշտոնի թեկնածուի հարցում:

Եվրամիության անդամների մեծամասնությունն այն կարծիքին է, որ Եվրախորհրդարանը պետք է գլխավորի Լյուքսեմբուրգի նախկին վարչապետ Ժան Կլոդ Յունկերը: Դևիդ Քեմերոնը դեմ է նրա թեկնածությանը, չնայած նրան տարհամոզելու Մեծ Բրիտանիայի դաշնակիցների, այդ թվում՝ Անգելա Մերկելի, փորձերին: Մեծ Բրիտանիայի վարչապետն այն կարծիքին է, որ Յունկերը չի կարողանա իրականացնել Եվրամիությանն անհրաժեշտ նոր քաղաքականությունը, հաղորդել է ՌԻԱ Նովոստին: