Ուկրաինայից դեպի ՌԴ փախստականների թիվը հասել է 17 000-ի

ՌԴ արտակարգ իրավիճակների նախարարության պաշտոնական ներկայացուցիչ Ալեքսանդր Դրոբիշևսկին հաղորդել է, որ Ռուսաստանի շրջաններում գտնվող ժամանակավոր ապաստարաններում է հաստատվել 17 հազար մարդ: Այս մասին հայտնում է ria.ru-ն:

«Այսօրվա դրությամբ ստեղծվել է ժամանակավոր բնակության 245 վայր, որտեղ գտնվում է 17 010 մարդ, որոնցից 7 239 երեխա»,- ասել է նա։

Նշվում է նաև, որ Ռոստովի մարզից և Ղրիմից, որտեղ ամենից մեծ թվով տեղահանվածներն են, նրանց տեղափոխում են ՌԴ այլ շրջաններ: