«Նախիջևանում կարող է 9 բալ ուժգնությամբ երկրաշարժ տեղի ունենալ». ադրբեջանցի գիտնական
Աշխարհ
Ադրբեջանի Հանրապետական սեյսմոլոգիական կենտրոնի գլխավոր տնօրեն Գուրբան Եթիրմիշլին հայտարարել է, որ պատմությունը հիշում է Նախիջևանում 9 բալ ուժգնությամբ երկրաշարժերը, և դրանք կարող են կրկնվել նաև այժմ: Այս մասին ադրբեջանցի գիտնականը հայտնել է SalamNews լրատվական գործակալության հետ զրույցում:»
Նա ասել է, որ Նախիջևանի Ինքնավար Հանրապետության տարածքում 9 բալ ուժգնությամբ երկրաշարժերի օջախներ կան: Նրա խոսքով' Շամախին և Իսմայիլլին ևս սեյսմոլոգիապես ակտիվ շրջաններ են, և այստեղ մշտապես ռիսկ գոյություն ունի:
Անդրադառնալով երեկ գիշեր Զաքաթալայում տեղի ունեցած 6 բալ ուժգնությամբ երկրաշարժին, Եթիրմիշլին նշել է, որ հետցնցումները հնարավոր են, սակայն, դրանց ուժգնությունը նույնը չի կարող լինել:
Զաքաթալայում ստորգետնյա ցնցումները խուճապ են առաջացրել նաև հարակից շրջաններում: Այն զգացվել է նաև Հայաստանի՝ Ադրբեջանի հետ սահմանակից շրջաններում: Եթիրմիշլին ավելի վաղ Ադրբեջանում, հատկապես, Կապից ծովի Ապշերոնի թերկղզուն հարող ափամերձ շրջաններում ուժգին երկրաշարժեր է կանխագուշակել: Նրա խոսքով՝ այդ հավանական երկրաշարժերի արդյունքում կարող է տուժել Ադրբեջանի մայրաքաղաք Բաքվի բնակչության մեծ մասը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
