Հունիսն Իրաքում ամենաարյունալի ամիսն է համարվել 2007 թվականից ի վեր

Հունիսն Իրաքում ամենարյունալի ամիսն է համարվել 2007 թվականից ի վեր, որի ընթացքում ահաբեկիչների զոհն է դարձել մոտ 2000 մարդ: Այս մասին հայտնում է ria.ru-ն:

Ըստ առողջապահության, ներքին գործերի և պաշտպանության նախարարությունների տվյալների՝ ընդհանուր առմամբ զոհվել է 1922 մարդ, այդ թվում՝ 1393-ը քաղաքացիական անձ, 380-ը զինծառայողներ և 149-ը ոստիկաններ:

Մարդու իրավունքների հարցերով ՄԱԿ-ի գերագույն հանձնակատարի վարչության ներկայացուցիչ Ռուպերտ Քոլվիլը՝ վկայակոչելով ՄԱԿ-ի առաքելության տվյալները, հայտնել է, որ հունիսի 5-22-ն առնվազն 757 քաղաքացիական անձ է սպանվել և 599-ը վիրավորվել Նայնավա, Դիյալա Սալահեդին նահանգներում: