«ՌԴ-ն և ԵՄ-ն չկարողացան Պորոշենկոյին համոզել, որ խաղաղության ճանապարհը չի կարող անցնել պատերազմի միջով». Պուտին

Ռուսաստանը և Եվրոպան չկարողացան համոզել Ուկրաինայի նախագահ Պյոտր Պորոշենկոյին, որ «խաղաղության ճանապարհը չի կարող անցնել պատերազմի միջով», հուլիսի 1-ին հայտարարել է ՌԴ-ի նախագահ Վլադիմիր Պուտինը՝ Մոսկվայում ելույթ ունենալով դեսպանների հետ կայացած խորհրդակցությունում հղում անելով ԻՏԱՌ-ՏԱՍՍ-ին:

«Դուք լսել եք Ուկրաինայում խաղաղությունը վերականգնելու վերջին փորձերի մասին (դրանց ակտիվորեն մասնակցել են նաև ՌԴ ԱԳ նախարարության աշխատակիցները, անձամբ նախարարը), դուք գիտեք այդ հարցի շուրջ կայացած բազմաթիվ բանակցությունների, հեռախոսազրույցների մասին,-նշել է պետության ղեկավարը՝ դիմելով խորհրդակցության մասնակիցներին:-Բայց, ցավոք, նախագահ Պորոշենկոն որոշում ընդունեց վերսկսել մարտական գործողությունները, և մենք՝ նկատի ունեմ ինձ և Եվրոպայի իմ գործընկերներին, չկարողացանք նրան համոզել, որ հուսալի, ամուր և երկարաժամկետ խաղաղութ յան տանող ճանապարհը չի կարող անցնել պատերազմի միջով»,-ասել է Պուտինը:

«Մինչ այժմ Պյոտր Ալեքսեևիչը առնչություն չուներ ռազմական գործողություններ սկսելու հրամանների հետ, բայց այժմ նա իր վրա լիովին նման պատասխանատվություն վերցրեց՝ ոչ միայն ռազմական, այլև քաղաքական, ինչը շատ ավելի կարևոր է»,-հավելել է Ռուսաստանի նախագահը:

Ավելի վաղ ՌԴ ԱԳ նախարարությունը հայտարարել է, որ Ուկրաինայում զինադադարից հետո աճում է զոհերի թիվը, և պահանջել է վերականգնել հրադադարը: «Ցավոք, այս տարվա հունիսի 30-ին հրադադարի ռեժիմից պաշտոնական Կիևի հրաժարվելուց հետո անցած արդեն առաջին ժամերին աճել է զոհերի թիվը խաղաղ բնակչության շրջանում: Ուկրաինայի իշխանություններից պահանջում ենք հրաժարվել իրենց պետության խաղաղ քաղաքների ու գյուղերի հրետակոծումներից, վերադառնալ իրական, այլ ոչ թե կարծեցյալ հրադադարին և պահպանել մարդկանց կյանքը»,-ասված է ՌԴ ԱԳ նախարարության մեկնաբանու թյան մեջ: