Ոստիկանությունն անցած մեկ օրում բացահայտել է խարդախության 6 դեպք

Հանրապետությունում անցած 1 օրվա ընթացքում արձանագրված ճանապարհատրանսպորտային 11 պատահարի հետևանքով 16 մարդ ստացել է տարբեր աստիճանի մարմնական վնասվածքներ: Հուլիսի 15-ից 16-ն ընկած ժամանակահատվածում հանրապետությունում արձանագրված խարդախության 7 դեպքից բացահայտվել է 6-ը, մարմնական վնասվածք հասցնելու՝ 12, յուրացման՝ 2, ավազակային հարձակման և խուլիգանության 1-ական դեպքերը բացահայտվել են: Բացահայտվել է նաև գողության 7 դեպք։ Նախկինում կատարված հանցագործություններից բացահայտվել է գողության՝ 4 և մարմնական վնասվածք հասցնելու 1 դեպք: