Վահաբիները վերջնագիր են ներկայացրել քրիստոնյաներին
Աշխարհ
Իրաքի հյուսիսային շրջաններում «Իսլամական պետություն» (ԻՊ) հռչակած վահաբիները (իսլամի սունի սալաֆի ծայրահեղականներ) Մոսուլի քրիստոնյաներին վերջնագիր են ներկայացրել՝ պահանջելով մինչև հուլիսի 19-ը կամ իսլամ ընդունել, կամ շնչին ամսական 250 դոլար հարկ վճարել, կամ էլ' հեռանալ տարածաշրջանից, ինչի պատճառով քիստոնյաները զանգվածաբար լքում են Իրաքի հյուսիսի ամենամեծ քաղաքը, որտեղ բնակվել են հազարամյակներ: Այս մասին, ինչպես հաղորդում է «Արմենպրես»-ը, հայտնում է Al-Arabia հեռուստաալիքը:
Մոսուլի խալդի կաթոլիկ եկեղեցու պատրիարք Լուիս Ռաֆայել Սակո Առաջինը հեռուստաալիքին հայտնել է. «Քրիստոնյա ընտանիքները ներկա պահին գտնվում են Դոհուք և Էրբիլ (իրաքյան Քուրդիստան) քաղաքների ճանապարհին: Իրաքի պատմության մեջ առաջին անգամ այժմ Մոսուլում քրիստոնյա չկա»:
Հեռուստաալիքը հայտնում է, որ քաղաքը լքելու մասին պահանջը մինչև այսօր հեռարձակվել է տեղի մզկիթների բարձրախոսների միջոցով:
Պատրիարքը նաև հայտնել է, որ իսլամիստ ահաբեկիչ մարտիկները զատում են քրիստոնյաների տները' նրանց վրա արաբերենով գրելով «քրիստոնյա»: Վահաբիները հայտարարել են, որ քրիստոյաների տներն այսուհետև պետք է համարվեն իրենց սեփականությունը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
