Boeing-ի կործանման վայրում իրենց աշխատանքներն են սկսել քրեագետները

Դոնեցկի շրջանում մալայզիական Boeing օդանավի կործանման վայրում  սկսել են իրենց աշխատանքն ուկրաինացի փորձագետ-քրեագետները։ Այս մասին հայտնում է ria.ru-ն։

Ուկրաինայի կառավարությունը հետաքննությանը մասնակցության նպատակով հրավիրել է Մալայզիայի և Նիդեռլանդների ավիաղեկավարության, Եվրահանձնաժողովի, ICAO-ի (քաղավիացիայի միջազգային կազմակերպության), Eurocontrol-ի և NTSB-ի ներկայացուցիչներին։

Հիշեցնենք, որ ավելի վաղ հաղորդվել էր, որ Կիևի իշխանություններն ու անջատողականների ներկայացուցիչները պայմանավորվել են մալայզիական ինքնաթիռի կործանման վայրում 20 կիլոմետրանոց անվտանգության գոտի ստեղծել։