Հոկտեմբերի 26-ից Ռուսաստանը կանցնի մշտական «ձմեռային» ժամանակին

Ռուսաստանի նախագահ Վլադիմիր Պուտինը ստորագրել է այս տարվա հոկտեմբերի 26-ից ձմեռային ժամանակին անցնելու մասին օրենքը: Այս մասին հայտնում է itar-tass-ը։

Երկրի մեծ մասում ժամերը մեկ ժամ հետ կտան, իսկ հետագայում չի իրականացվի սլաքների սեզոնային փոփոխություն: Ըստ օրենքի՝ Ռուսաստանի տարածքում հաստատվում է 11 ժամային գոտի, որոնցում տեղական ժամը հաշվարկելիս ելակետ է համարվելու մոսկովյան ժամանակը:

Նշենք, որ ձմեռային և ամառային ժամանակի անցումը չեղյալ էր հայտարարվել 2011թվականի ամռանը նախագահ Դմիտրի Մեդվեդևի նախաձեռնությամբ: