Կործանված Boeing-ի «սև արկղերը» կուսումնասիրվեն Մեծ Բրիտանիայում

Ուկրաինայում կործանված մալայզիական ինքնաթիռի «սև արկղերը» կվերծանվեն Մեծ Բրիտանիայում: Այս մասին հայտնում է ria.ru-ն՝ վկայակոչելով Ուկրաինայի կառավարության կայքին։

Նշենք, որ ինքնահռչակ Դոնեցկի Հանրապետության իշխանությունները կործանված ինքնաթիռի «սև արկղերը» փոխանցել էին Մալայզիայի փորձագետներին այն պայմանով, որ Քաղավիացիայի միջազգային կազմակերպության (ICAO) ներկայացուցիչները դրանց հասանելիություն ունենան:

Հիշեցնենք, որ Boeing 777 օդանավը կործանվել է հուլիսի 17-ին։