«Ռուսաստանը կփորձի ազդել Ուկրաինայի աշխարհազորայինների վրա». Պուտին

Ինչպես տեղեկացնում է RT-ն, Մոսկվան կփորձի ազդել աշխարհազորայինների վրա՝ մալայզիական Boeing 777-ի ինքնաթիռի աղետի ամբողջական հետաքննությունն ապահովելու համար։ Այս մասին հայտնել է Ռուսաստանի նախագահ Վլադիմիր Պուտինն Անվտանգության խորհրդի նիստի ժամանակ։

«Ռուսաստանը կանի այն ամենը, ինչ իրենից կախված է՝ ամբողջական, բազմակողմանի, խորը և թափանցիկ հետաքննության համար։ Մեզ հորդորում են ազդել Ուկրաինայի արևելքի աշխարհազորայինների վրա և այն ամենը, ինչ մեր ուժերի սահմանում է, իհարկե, կանենք»,- հայտարարել է Պուտինը։

Պուտինն ընդգծել է նաև, որ անընդունելի  է համարում Ուկրաինայի հարցում Արևմուտքի տրամաբանությունը, ըստ որի՝ Ռուսաստանին առաջարկում են կամ հաշտվել խաղաղ բնակչության կործանման հետ, կամ էլ սպառնում են պատժամիջոցներով: