TransAsia Airways-ը 33 հազարական դոլար կվճարի Տայվանում ավիաաղետից զոհվածների ընտանիքներին
Աշխարհ
Տայվանի TransAsia Airways ընկերությունը 33 հազարական դոլար կվճարի ավիաաղետից զոհվածների ընտանիքներին: Այդ մասին, ինչպես տեղեկացնում է «Արմենպրես»-ը, ասված է ավիափոխադրողի՝ հուլիսի 24-ին տարածված հայտարարության մեջ:
Բացի այդ, այն ուղևորները, ովքեր վերքեր են ստացել Պենհու կղզում ATR-72 ինքնաթիռի կործանման հետևանքով, կստանան 6 հազարական դոլար: Ընկերությունը նաև ճշտել է ողբերգության զոհերին վերաբերող տվյալները. 48 մարդ զոհվել է, ևս 10-ը՝ հոսպիտալացվել:
Երկշարժիչ ATR 72-500 ինքնաթիռը կործանվել է հուլիսի 23-ի երեկոյան: Օդանավը վատ եղանակի պատճառով ուշացումով էր մեկնել Գաոսյուն քաղաքից: Թռիչքի ընթացքում անձնակազմը փորձել է խույս տալ Մատմո թայֆունից, բայց խանգարել է ուժգին քամին:
Ինքնաթիռն ընկել է Պենհու արշիպելագի կղզիներից մեկի բնակելի տների վրա: Դրանց բնակիչներից ոչ ոք չի զոհվել: Ականատեսների խոսքով՝ նրանցից մի քանիսը վնասվածքներ են ստացել:
Օդանավում եղել է 54 ուղևոր և անձնակազմի չորս անդամ: Բացառությամբ Ֆրանսիայի երկու քաղաքացիների, նրանք բոլորն ունեցել են Տայվանի անձնագրեր: Ինքնաթիռի երկու օդաչուները զոհվել են, հաղորդել է ԻՏԱՌ-ՏԱՍՍ-ը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
