Փափազյան փողոցում գողության մեղադրանքով հետախուզվող է հայտնաբերվել

Ոստիկանության Երևան քաղաքի վարչության և Արաբկիրի բաժնի ծառայողների ձեռնարկած միջոցառումների շնորհիվ օգոստոսի 14-ին` ժամը 00.45-ին, Փափազյան փողոցի թիվ 21 շենքի մոտից բերման է ենթարկվել 1985թ. ծնված Վարդան Վ.-ն:

Վարդան Վ.-ն հունիսի 24-ից ոստիկանության Մաշտոցի բաժնի կողմից հետախուզվում էր ՀՀ քրեական օրենսգրքի 177 հոդվածի 2-րդ մասի 1-ին կետի մեղադրանքով` գողություն, որը կատարվել է մի խումբ անձանց կողմից նախնական համաձայնությամբ: