Շանթ Հարությունյանին` 6 տարի, որդուն` 4 (լրացված)

Քիչ առաջ Կենտրոն և Նորք-Մարաշ վարչական շրջանների ընդհանուր իրավասության դատարանում հրապարակվեց «Ցեղակրոն» կուսակցության նախագահ Շանթ Հարությունյանի և մյուսների գործով դավաճիռը:

Շանթ Հարությունյանը դատապարտվեց 6 տարվա ազատազրկման, իսկ Շահեն Հարությունյանը դատապարտվեց 4 տարվա ազատազրկման, սակայն որոշվեց պատիժը պայմանականորեն չկիրառել: Հանձնարարվեց նրան պարտավորեցնել չհեռանալ մշտական բնակության վայրից:

Ալբերտ Մարգարյանը խուլիգանության հոդվածով մեղավոր ճանաչվեց եւ դատապարտվեց 6 տարվա ազատազրկման:

Նույն հոդվածով Ալեք Պողոսյանը դատապարտվեց 4 տարվա ազատազրկման, Արմեն Հովհաննիսյան`2 տարվա ազատազրկման, իսկ Ավետիս Ավետիսյանը դատապարտվեց 5 տարվա ազատազրկման:

Հայկ Հարությունյանը մեղավոր ճանաչվեց ոչ միայն խուլիգանության հոդվածով, այլեւ' առանց իրացնելու նպատակի հոգեմետ նյութեր ապօրինի պահելու համար: Նա դատապարտվեց 4.6 տարվա ազատազրկման:

Լիպարիտ Պետրոսյանը խուլիգանության հոդվածով մեղավոր ճանաչվեց եւ դատապարտվեց 5 տարվա ազատազրկման:

Միսակ Առաքելյանը դատապարտվեց 50.000 դրամ տուգանքի, բայց ազատվեց պատժի կրումից:

Մկրտիչ Հովհաննիսյանը դատապարտվեց 4 տարվա ազատազրկման՝ մեղավոր ճանաչվելով խուլիգանության մեջ, իսկ 316 հոդվածով (իշխանության ներկայացուցչի նկատմամբ բռնություն) նա ևս արդարացվեց:

Սևակ Մնացականյանը խուլիգանության մեղադրանքով դատապարտվեց 1,6 տարվա ազատազրկման:

Տիգրան Պետրոսյանը նույն մեղադրանքով դատապարտվեց 1 տարվա ազատազրկման:

Վահե Մկրտչյանը 316 հոդվածով (իշխանության ներկայացուցչի նկատմամբ բռնություն) չարդարացվեց: Այս եւ խուլիգանության հոդվածներով նա դատապարտվեց 7 տարվա ազատազրկման:

Վարդան Վարդանյանը դատապարտվեց 5 տարվա ազատազրկման: