Վիճաբանություն և ծեծկռտուք՝ գերեզմանատանը

Ոստիկանության Երևան քաղաքի վարչության ՕԿԿ-ից Նաիրիի բաժնում նոյեմբերի 13-ին' ժամը 01.45-ին, հաղորդում է ստացվել, որ իրենց է զանգահարել անհայտ քաղաքացի և հայտնել, որ Քասախ գյուղի գերեզմանատանը հարձակվել են իր վրա և ծեծել: Ինչպես տեղեկացնում են ՀՀ ոստիկանության հասարակայնության հետ կապերի և լրատվության վարչությունից, մեկնած օպերատիվ խումբը պարզել է, որ նույն օրը' ժամը 01.30-ի սահմաններում, Քասախ գյուղի գերեզմանատան ճանապարհին, կենցաղային հարցերի շուրջ ծագած վիճաբանության ժամանակ, նույն գյուղի բնակիչներ ոմն Վաղո և Նորո ծեծի են ենթարկել 1987թ. ծնված Վիգեն Դ.-ին' դեմքի և մարմնի տարբեր մասերում պատճառելով վնասվածքներ: Վիգեն Դ.-ն նույն օրը' ժամը 02.00-ին, հրավիրվել է բաժին և նրանից ընդունվել է հաղորդում:

Վիգեն Դ.-ին տրվել է դատաբժշկի ուղեգիր:

Կատարվում է հետաքննություն: